Bjarkamál in fornu

"Dagr es upp kominn,

dynja hana fjaðrar,

mál es vílmögum

at vinna erfiði.

Vaki ok æ vaki

vina höfuð,

allir enir œztu

Aðils of sinnar."

"Hár enn harðgreipi,

Hrólfr skjótandi,

ættum góðir menn,

þeirs ekki flýja,

vekka yðr at víni

né at vífs rúnum,

heldr vekk yðr at hörðum

Hildar leiki."

"Hniginn’s í hadd jarðar

Hrólfr enn stórláti."

"Gramr hinn gjöflasti

gœddi hirð sína

Fenju forverki,

Fáfnis miðgarði,

Glasis glóbarri,

Grana fagrbyrði,

Draupnis dýrsveita,

dúni Grafvitnis."

"Ýtti örr hilmir,

aldir við tóku,

Sifjar svarðfestum,

svelli *dalnauðar,

tregum Otrs gjöldum,

tárum Mardallar,

eldi Órunar,

Iðja glysmálum."

"Gladdi gunnveitir

— gengum fagrbúnir —

Þjaza þingskilum

þjóðir hermargar

Rínar rauðmalmi,

rógi Niflunga,

vísi hinn vígdjarfi.

Varði hann Baldr þögli."

"Svá skalk hann kyrkja

sem enn kámleita

véli viðbjarnar

veggja aldinna."